ЖРВИ-ға қарсы иммундау науқаны биыл 1 қыркүйектен басталса, ал тұмауға қарсы иммундау науқаны 15 қыркүйектен басталды
Түркістан облысы бойынша 2024 жылдың 8 айында жіті респираторлық вирустық инфекциялар инфекциясынан 150227 жағдай тіркелген, деп хабарлайды Qaz365.kz.
Түркістан облыстық санитариялық-эпидемиялогиялық бақылау департаменті басшысының орынбасары Бахтыораз Елемесовтың сөзінше, өткен жылдың осы кезеңімен салыстырғанда ЖРВИ ауруын жұқтырған азаматтар саны 43,6% өскен. Сондықтан да ЖРВИ-ға қарсы иммундау науқаны биыл 1 қыркүйектен басталса, ал тұмауға қарсы иммундау науқаны 15 қыркүйектен басталды.
«Өздеріңізге белгілі, жылдың суық мезгілдері адамдардың әртүрлі респираторлық инфекцияларға шалдығып, аурушаңдықтың өсуінің орын алып отырады. Тұмау және ЖРВИ аурушаңдығының эпидемиялық маусымы ресми түрде 1-ші қазаннан басталып, келесі жылдың сәуір айының соңына дейін созылады. 2023-2024 жылдардың эпидемиялық маусымында 38 тұмау жағдайы тіркелсе, оның 16 -ы биылғы жылдың қаңтар айыгда анықталған. ҚР БМСД-нің қолданыстағы қаулысына сәйкес өткен жылдан бері ауыр ЖРВИ науқастары тұмау және COVID- 19 вирустарына қатарзерттеулер жүргізілуде. Ағымдағы жылдың 8 айында облыстық ұлттық сараптама орталығы филиалының вирусологиялық зертханасында ПТР әдісімен 149 сынамаға зерттеу жүргізілген. Нәтижесінде жоғарыда айтылған 16 тұмау вирусы штаммдары ішінде негізінен A3(H3N2) типі басым болды. Негриппозды емес ЖРВИ вирустарын зерттеулер бойынша микс (риновирус, аденовирус, парагриппозды) түрлері анықталған»,- дейді Бахтыораз Елемесов.
Айта кетсек, эпидемиологиялық апталық мониторинг деректері бойынша күнтізбелік 37 аптада облыс бойынша 8090 жағдай ЖРВИ тіркелген. Яғни, өңірде аурушаңдық динамикасында мезгілдік өсу байқалады. Бұл ЖРВИ жағдайларының жалпы санының 70%-ы 14 жасқа дейінгі балалар.