Электрокарды заңды тасымалдау екі-үш жылдың еншісіндегі мәселе
Astana Group негізін қалаушының айтуынша, Қазақстанға әкелінетін электромобильдердің 98-99%-ы «астыртын» жолмен тасымалданады, деп хабарлайды Qaz365.kz.
Astana Group иесі Нұрлан Смағұлов Kazakhstan Growth Forum пленарлық сессиясында электромобильдер нарығының қарқынды дамуы туралы айтып берді. Оның айтуынша, жиырма миллион тұрғыны бар Қытайдың Шэньчжэнь қаласындағы көліктердің 56%-ы электр энергиясымен жүреді.
«Әлемде болып жатқан ең үлкен триггер - қытайлық электромобильдердің нарықты өзгертуі. Олар кәдімгі көліктермен бәсекеге түскісі келеді. Ал Қытайда жоғары жетістікке жетті. Қазақстанға электрокарларды көптеп әкеледі. Бірақ мен бұдан былай оптимистік көзқараста емеспін, өйткені электромобильдің де кемшіліктері бар. Бізге инфрақұрылым мен аккумуляторларды қайта өңдеу қажет», — деді Смағұлов.
Өткен жылы BYD негізін қалаушы Чуанфу Ван Қазақстанға келді. Ал үш ай бұрын компанияның бас директоры елге келді. Екі кездесуде де BYD (BYD Auto және BYD Electronic кіретін қытайлық конгломерат) бойынша батареяларды қайта өңдеу мәселелерін талқыланды.
«Бір нұсқа – олар батареялардан зарядтау станциялары үшін жаңа элементтер жасауды көздеп отыр. Қызықты идея, бірақ технологиялық тұрғыдан толық ойластырылмаған. Батареялар арқылы басқа электр қозғалтқыштарын зарядтауды жоспарлаған. Басқа бір нұсқа бойынша, батареяларды утилизациялайтын зауыттар салғысы келеді. Өйткені батареяларда көптеген бағалы материалдар қалады. Қалай болғанда да, әртүрлі мәселелер бар, тіпті Қазақстанда зауыт салу туралы сөз болған. Біз BYD-мен екі жыл бойы келіссөздер жүргізіп келеміз. Тіпті, ғимарат салып, жыл соңына дейін көлік таныстырылымын жасауды күтіп отырмыз», - деді Смағұлов.
Astana Group негізін қалаушының айтуынша, Қазақстанға электромобильдердің 98-99 пайызы заңсыз импортталады. Көліктердің бейресми әкелінуіне байланысты болашақта аккумуляторларды кәдеге жарату туралы сұрақ туындайды, өйткені ешқандай әлеуметтік жауапкершілік туралы әңгіме жоқ. Смағұловтың айтуынша, электрокарды заңды тасымалдау екі-үш жылдың еншісіндегі мәселе.