Ержет Жарылқасынның қоржынында 47 000 ұпай бар
Қазақстандық грек-рим күресінің балуаны Ержет Жарылқасын Біріккен әлем күресінің (UWW) жаңартылған әлемдік рейтингінде бірінші орынға көтерілді, деп хабарлайды Qaz365.kz.
“Ержет Жарылқасынның қоржынында 47 000 ұпай бар. Маммадали 45 000 ұпаймен екінші орынға орналасса, үшінші орынға 31 000 ұпаймен армяндық Карен Асланян табан тіреді”, – делінген ҚР Ұлттық Олимпиада комитетінің хабарламасында.
Ол Тирана (Албания) қаласында олимпиадаға кірмейтін салмақ дәрежелері бойынша өткен әлем біріншілігінде сәтті өнер көрсеткеннен кейін, тізімде жоғары көтеріліп, көшбасшы болды.
Чемпионатта Ержет 63 келіге дейінгі салмақ дәрежесінде финалға шығып, әзербайжандық Нихат Маммадалиға есе жіберді.