Іріктеу кезеңіндегі алғашқы 3 ұпай қоржында
Еліміздің жастар құрамасы Еуропа чемпионатының 19 жасқа дейінгі ЕУРО-2025 іріктеу кезеңін жеңіспен бастады, деп хабарлайды Qaz365.kz.
13 қараша күні Қазақстанның U-19 жастар құрамасы УРО-2025 турнирінің іріктеу кезеңінде Украина ұлттық құрамасымен кездесті. Александр Кузнецовтың шәкірттері бұл бәсекеде басым түсіп, Қазақстанға алғашқы 3 ұпайды алып келді.
“Тамерлан Агиманов Украина U-19 қатарынан екі гол соғып, дубль авторы атанды. Украина құрамасы өз алаңында 1:2 есебімен жеңілді”, – делінген Қазақстан футбол федерациясы хабарламасында.
Еуропа чемпионатына іріктеу кезеңіндегі қарсыласымыз – Нидерланд, Украина және Словения құрамалары. 2025 жылғы Еуропа чемпионатының іріктеу кезеңі 13-19 қараша күндері Нидерландта өтеді.