Директорлыққа «Астана» футбол клубында басшы болған азамат келді
Қазақстан футбол федерациясы Басқарушы директоры қызметіне Қайсар Рауфовұлы Бекенов тағайындалды, деп хабарлайды Qaz365.kz.
Бұл туралы Қазақстан футбол федерациясының баспасөз қызметі мәлімдеді.
“Қайсар Бекенов 1986 жылы 20 наурызда дүниеге келген. 2013-2019 жылдары аралығында және 2024 жылдың мамыр айынан бері «Астана» футбол клубында басшылық лауазымды болды. Оның басшылығымен «Астана» бірнеше мәрте ел чемпионы атанып, Еуропа аренасында жарқын жетістіктерімен көзге түсті”, – делінген ол жайында ҚФФ хабарламасында.
Бұған қоса, ол 2012-2013 жылдары Қазақстан футбол федерациясында да қызмет еткен.