Қазақстан футбол федерациясында бөлінген қаржы тиімсіз пайдаланылған
Қазақстан футбол федерациясындағы қаржыны тиімсіз жұмсау және пайдалану бойынша істе тергеуге қатысты ақпарат айтылды, деп хабарлайды Qaz365.kz.
Бұл туралы ҚМА төрағасының орынбасары Жеңіс Елемесов мәлімдеді.
“ҚМА-да ҚФФ бұрынғы басшылығына қатысты қылмыстық іс тергеліп жатыр. Бірақ әзірге өзге мәліметтерді жариялай алмаймын. Әділет Бәрменқұловтың өзін күдікті деп таныған жоқпыз”, – деді Жеңіс Елемесов.
Еске сала кетейік, 2024 жылдың соңы мен 2025 жылдың басында ҚФФ-да кадрлық өзгерістер болды. 2024 жылғы қарашада Әділет Барменқұлов 2022 жылдан бері басқарып келген Футбол федерациясынан кететінін айтқан болатын.
Кейін Қазақстан футбол федерациясы Әділет Барменқұловтың федерация президенті қызметінен кеткені туралы ресми мәлімдеме жасады.
Арада біраз уақыт өткен соң, Қаржылық мониторинг агенттігі Қазақстан футбол федерациясының бұрынғы басшылығына қатысты тергеу басталғанын хабарлаған болатын.