Батырхан Төлеуғали әлем чемпионы атанды
Таеквондодан Кенияның Найроби қаласында өтіп жатқан жастар арасындағы әлем чемпионатында Қазақстан құрамасы екінші алтын медалін жеңіп алды, деп хабарлайды Qaz365.kz.
Батырхан Төлеуғали әлем чемпионы атанды.
Қазақстандық спортшы 87 келіге дейінгі салмақ дәрежесінде үздік шықты.
Финалда Төлеуғали ирандық Мохаммад Ализадені жеңді.
Айта кетейік, ұлттық құрама қоржынында үш жүлде бар. Бұған дейін Бейбарыс Қаблан чемпион атанса, Тамерлан Тілеулес қола медаль иеленген еді.