Ұлттық құрама соңғы екі ойында жеңіске жетті
FIFA жариялаған жаңа рейтингте Қазақстан ұлттық құрамасы сегіз сатыға көтеріліп, 104-орынға жайғасты, деп хабарлайды Qaz365.kz тілшісі ҚазАқпаратқа сілтеме жасап.
Халықаралық футбол қауымдастықтарының федерациясының (FIFA) жаңартылған рейтингі бүгін, 29 маусымда шықты. Қазақстан құрамасы жаңартылған рейтингте 8 сатыға көтеріліп, 104-орынға жайғасты.
Айта кетейік, қазақстандық футболшылар маусым айында 2024 жылғы Еуропа чемпионатына іріктеу сатысында сырт алаңда Сан-Марино (3:0) және Солтүстік Ирландияны (1:0) қапы қалдырған еді.
Ел құрамасы сынға түсетін H тобында Дания – 19, Финляндия – 54, Словения – 60, Солтүстік Ирландия – 64, Сан-Марино – 211 орында тұр.
Жаңартылған рейтингте Аргентина көш басында тұрса, одан кейінгі орындарда Франция мен Бразилия келеді.