«Бешикташ» бұл ойында 3:2 есебімен жеңіске жетті
Қазақстан құрамасының жартылай қорғаушысы Бақтиер Зайнутдинов Түркияның «Бешикташ» командасы сапындағы алғашқы голын соқты, деп хабарлайды Qaz365.kz.
«Бешикташ» Конференция лигасы плей-офф кезеңінің алғашқы ойынында Украинаның «Динамо» клубымен кездесті. Матч Бухаресттегі (Румыния)
«Джулешти» стадионында өтті.
Бактиер Зайнутдинов алаңға екінші тайм барысында Артур Масуакуды алмастырып шықты. Дебют сәтті болды. Отандасымыз 95-минутта жеңіс голын соқты.
«Бешикташ» бұл ойында 3:2 есебімен жеңіске жетті.
Айта кетейік, Зайнутдиновтің Түркия клубымен келісімшарты 2027 жылғы 30 маусымға дейін есептелген. «Бешикташ» ЦСКА-ға 4,5 млн еуро төледі. Оның жалақысы бір маусымда шамамен 1,2 млн еуроны құрайды. Қазақстандық футболшы 2020 жылдан бері Мәскеудің ЦСКА клубында ойнады. Үш жылда ЦСКА үшін 83 матч өткізіп, 7 гол соқты.