Ол финалда жерлесіміз Қамшыбек Қоңқабаевпен кездескен
Қытайдың Ханчжоу қаласында өткен XIX Азия ойындарында бокстан аса ауыр салмақта топ жарған өзбекстандық Баходир Жалолов әлеуметтік желідегі парақшасында финалдағы қарсыласы туралы айтты, деп хабарлайды Qaz365.kz.
«Алдымен, барлықтарыңызға көрсеткен қолдауларыңыз үшін алғыс білдіремін. Қамшыбек екеуіміз тек рингте ғана қарсыласпыз. Бұл жай ғана спорт. Мен кәсіпқой бокста жұдырықтасқанда Қазақстаннан көп адам жанкүйер болғанын байқадым. Өзбек пен қазақ – бір бауырлас ел»,- деп жазды Жалолов.
Ол финалда жерлесіміз Қамшыбек Қоңқабаевпен кездескен. Жекпе-жек 4:0 (29-28, 28-28, 30-27, 30-27, 29-28) есебімен аяқталды.
29 жастағы Жалолов – 2020 жылғы Олимпиада чемпионы. 2019, 2023 жылғы әлем чемпионы.