Наурызда Магомед Адиев шәкірттері Даниядан 0:2 есебімен жеңіліп жатып,
3:2 есебімен камбэк жасаған болатын
Футболдан Қазақстан ұлттық құрамасының бас бапкері Магомед Адиев наурыз айындағы Даниямен өткен тарихи ойын туралы айтты, деп хабарлайды Qaz365.kz.
«Данияны жеңдік. Ертеңінде президент хабарласты (ҚФФ президенті Әділет Барменқұлов). «Магомед, халың қалай? Маған бүкіл облыс әкімдері хабарласып құттықтап жатыр. Не істегеніңді түсінесің бе?» – деді. Мен «Даниядан басым түстік, үш ұпай еншіледік» деп айттым. Ол «қайдағы Дания?» деп, жарты елдің жұмысқа шықпай қалғанын айтты», – дейді Магомед Адиев «Коммент.Шоу Казахстан» YouTube арнасына берген сұхбатында.
Айта кетейік, Қазақстан Еуро – 2024 іріктеу кезеңінде H тобында өнер көрсетіп жатыр. Құрама 7 турдан кейін 15 ұпаймен үшінші орында келеді. Қараша айында Сан-Марино және Словениямен кездеседі.
Наурызда Магомед Адиев шәкірттері Даниядан 0:2 есебімен жеңіліп жатып,
3:2 есебімен камбэк жасаған болатын.