Ол әлеуметтік желідегі парақшасында жазба жариялады
Аралас жекпе-жекте мүлдем жеңілмеген қазақстандық файтер Шавкат Рахмонов бас бапкері Баян Жанғаловқа көлік сыйлады, деп хабарлайды Qaz365.kz.
Рахмонов Instagram парақшасында жазба жариялап, бапкеріне алғысын білдірді.
«Ассалаумағалейкум, қазақ елі. Бас бапкерім Баян Жанғаловқа бүгін темір тұлпар сыйлауды Алла нәсіп етті. Демеушілік беріп, қолдау білдірген ағам Алидар Болатұлына ризашылығымды айтамын», – деп жазды ол.
Айта кетейік, Жанғаловтың жетекшілігімен Рахмонов әуесқой ММА бойынша әлем чемпионы атанып, M-1 Global лигасында чемпион болған еді. Сонымен қатар соның қол астында UFC-де өнер көрсете бастады.
Қазақстандық файтер UFC-дегі 6 жекпе-жегінің барлығында мерзімінен бұрын жеңіске жетті. Ол желтоқсанда өткен соңғы жекпе-жегінде 2-раундта америкалық Стивен Томпсонды жеңген болатын. Қазір қазақстандық спортшының кәсіби ММА бойынша рекорды: 18-0.