Отандасымыз жеңіске жетті
Франция астанасы Париж қаласында өтіп жатқан Олимпиада ойындарында бокстан ерлер арасында 80 келіде жұдырықтасып жатқан Нұрбек Оралбай жартылай финалға өтті, деп хабарлайды Qaz365.kz.
Отандасымыз бүгін әзірбайжандық Мұрат Аллахвердиевті 5:0 есебімен жеңді. Сөйтіп, жартылай финалға жолдама алды.
Нұрбек бұған дейін 1/8 финалда Аустралия спортшысы Каллум Петерстен басым түскен.
Айта кетейік, 3 тамызға қараған түні Сәкен Бибосынов (51 кг) шаршы алаңға шығады. Ол өзбек боксшысы Хасанбай Дусматовпен жұдырықтасады. Жекпе-жекті сағат 00:20-да «Хабар» телеарнасынан көруге болады.
Ерлер арасында бокстан Нұрбек Оралбай мен Сәкен Бибосынов ғана жарысты жалғастырып жатыр. Қалған бесеуі үйге қайтты.