Ол бітпеген 3 тұрғын үйдің құрылысы үшін мердігерге 519 млн теңге аударып жіберген
Таразда 3 апта бұрын өз еркімен қызметінен кеткен қала әкімінің бұрынғы орынбасары Нұрбол Қалдыбаевқа сот шешімі шықты, деп хабарлайды Qaz365.kz.
Бұл туралы Тараз қалалық сотының баспасөз қызметі мәлімдеді.
Таразда бітпеген 3 тұрғын үйдің құрылысы үшін мердігерге 519 млн теңге аударған экс-шенеунік 4 жылға бас бостандығынан айырылды.
“Тараз қаласының әкімдігі сот қарау барысында талап-арыз беріп, бұл талап-арыз толық көлемде қанағаттандырылып, 2 тұлғадан ортақ көлемде 32 млн өндірілді. Ал ЖШС директорынан қалған 104 млн өндірілді. Жалпы 137 млн кінәлі тұлғалардан өндіріліп отыр”, – деді Тараз қалалық №2 сот төрағасы Ербол Дүйсенбаев.
Құрылыс аяқталмаса да, қабылдау құжаттарында үйлер толық тапсырылды деп көрсетілген. Сотта шенеунік кінәсін мойындамаған. Ол тексеру басталмай тұрып 3 апта бұрын өз еркімен қызметінен кеткен
Жалған құжат жасаған мердігер кәсіпкер 6 жылға сотталды. Ол алдымен тендерді ұтып, бірақ уәде етілген жұмысты орындамаған.