43 келі есірткі заты тәркіленген
Алматы қаласында АҚШ-тан жеткізілген марихуана мен каннабис экстрактісінің контрабандасына қатысы бар тұлғалар ұсталды. Тергеу барысында олардың қатарында екі ұлттық қауіпсіздік қызметкері мен ішкі істер министрлігінің Қылмыстық-атқару жүйесі (ҚАЖК) қызметінің үш қызметкері бар екені анықталды, деп хабарлайды Qaz365.kz.
Тергеу мәліметінше, күдіктілердің бірі колонияда жазасын өтеп жүріп, АҚШ-тан марихуана мен каннабис экстрактісін жеткізу арнасын ұйымдастырған.
Қылмыстық топтың әрекетін әшкерелеу кезінде «Жетісу» кеден бекетінде 43 келі есірткі заты тәркіленген.
Тергеу барысында анықталғандай, қылмыстық желіге ұйымдастырушылар, кураторлар, қамқоршылар, дропперлер, жасырын белгілеушілер және өлшеп ораушылар қатысқан.
Жалпы іс бойынша 20 адам күдікке ілінген, олардың ішінде жоғарыда аталған мемлекеттік қызметкерлер де бар.
Сот санкциясымен 5 пәтер, 3 құрылыс нысаны, 10 жер телімі және 44 автокөлікке тыйым салынды.
Іс бойынша айыпталушыларға есірткі заттарын контрабандалағаны және сатқаны, сондай-ақ лауазымдық қылмыстары үшін жауаптылықты көздейтін баптар бойынша айып тағылды.