Сонымен қатар жауын жауып, жел тұрады.
Республиканың көп бөлігінде Солтүстік-батыс циклонының өтуімен ауа райының тұрақсыз сипаты күтіледі: жаңбыр, найзағай, екпінді жел, 18-19 маусымда еліміздің солтүстік-батысында, солтүстігінде қатты жаңбыр жауады, бұршақ жаууы мүмкін, деп хабарлайды Qaz365.kz.
ҚР солтүстік-батысында, солтүстігінде ауа температурасы түнде 17-25 градустан 15-23 градусқа дейін, күндіз 25-35 радустан 20-31 градусқа дейін төмендейді деп күтілуде. Орталықта түнде 18-25 градустан 15-22 градусқа дейін төмендейді, 17-18 маусымда күндіз 35-39 градус қатты ыстық, облыстың оңтүстігінде 42 градус өте қатты ыстық күтіледі, 19 маусымда 27-32 градус жылыға дейін төмендейді. Шығыста түнде 12-23 градустан 17-25 градусқа дейін, күндіз 27-35 градустан 35-39 градусқа дейін жоғарылайды, 19 маусымда жекелеген аудандарда 40 градус ыстық күтіледі.
Оңтүстік-шығыста түнде 18-23 градустан 20-25 градусқа дейін жоғарылайды, күндіз 35-39 градус қатты ыстық, 18-19 маусымда жекелеген аудандарда 42 градус ыстық күтіледі. Күндіз оңтүстік аймақтарда 43-46 градустан 30-38 градусқа дейін төмендейді деп күтілуде.
