Кей өңірде жауын-шашын күтіледі
«Қазгидромет» РМК мамандары алдағы күндерге арналған ауа райы болжамын ұсынды, деп хабарлайды Qaz365.kz.
Синоптиктердің болжамынша, республика аумағының басым бөлігінде ауа райына циклон және онымен байланысты атмосфералық фронтальді бөліктер әсер етеді. Жаңбыр, найзағай күтіледі. 1 шілдеде еліміздің батысында және шығысында, 3 шілдеде солтүстік-батысында бұршақпен бірге қатты жаңбыр жаууы ықтимал. Тек орталықта, оңтүстікте және оңтүстік-шығыста негізінен жауын-шашынсыз ауа райы күтіледі. Сонымен қатар батыс және оңтүстік өңірлерде желдің күшеюі, шаңды дауыл болуы мүмкін.
Күндізгі уақытта термометр бағаны оңтүстік-шығыста 35-39 градус аптап ыстықты, 2-3 шілдеде орталықта 35-38 градусты, оңтүстікте 40-44 градусқа дейінгі қатты ыстықты, 3 шілдеде солтүстікте 30-35 градусты көрсетеді.
