4-5 шілдеге арналған ауа райы болжамы жарияланды.
«Қазгидромет» РМК синоптиктері 2025 жылғы 4-5 шілдеге арналған ауа райы болжамын жариялады, деп хабарлайды Qaz365.kz.
Мамандардың мәліметінше, еліміздің оңтүстік өңірлерінде аптап ыстық күтіліп отыр - ауа температурасы +43…+47°C дейін көтеріледі. Ал солтүстік пен шығыста жаңбыр жауып, бұршақ түсуі мүмкін.
Республика аумағындағы ауа райын негізінен циклон және онымен байланысты атмосфералық фронттар айқындайды.
4-5 шілде күндері солтүстік-батыс, солтүстік және шығыс өңірлерде нөсер жаңбыр жауып, бұршақ түсуі ықтимал, — деп мәлімдеді «Қазгидромет» баспасөз қызметі.
Елдің оңтүстігі мен оңтүстік-шығысында жауын-шашынсыз ауа райы сақталады. Сонымен қатар, батыс және оңтүстік аймақтарда шаңды дауылмен бірге желдің күшеюі күтіледі.
Алдағы күндері ауа температурасы климаттық нормадан жоғары болады. Күндізгі уақытта көптеген өңірлерде сынап бағаны +35°C дейін жетеді, ал оңтүстікте одан да жоғары – аптап ыстық күтіледі.
