Синоптиктер тұрғындарды ауа райына байланысты сақтық шараларын қаперде ұстауға шақырады.
Алдағы үш күн ішінде Қазақстан аумағы арқылы циклон өтеді. Бұл туралы «Қазгидромет» РМК синоптиктері хабарлады, деп жазады Qaz365.kz.
Жарияланған мәліметке сәйкес, еліміздің көптеген өңірінде жаңбыр жауады. Батыс, солтүстік және орталық өңірлерде кей жерлерде қатты жауын-шашын, бұршақ пен екпінді жел күтіледі.
Ал шығыс пен оңтүстік-шығыстағы облыстарда жауын-шашынсыз, ашық ауа райы сақталады.
Сонымен қатар республика бойынша желдің күшеюі, ал оңтүстік өңірлерде шаңды дауыл болуы мүмкін.
Синоптиктер ауа температурасы туралы да хабарлады:
24 шілде күні батыс, оңтүстік-батыс және солтүстік-батыста күндізгі ауа температурасы 35-38°C шамасында болады.
24-25 шілде аралығында орталық өңірде – 35-38°C, оңтүстікте – 40-42°C.
24-26 шілде аралығында оңтүстік-шығыста – 35-39°C.
25-26 шілде күндері шығыста – 35-38°C.
26 шілде күні солтүстікте 35°C шамасында болады.
Синоптиктер тұрғындарды ауа райына байланысты сақтық шараларын қаперде ұстауға шақырады.
