Солтүстік, шығыс және орталықта түнгі және таңғы уақытта тұман түсуі мүмкін.
«Қазгидромет» синоптиктері 16, 17 және 18 тамызға арналған ауа райы болжамын жариялады, деп хабарлайды Qaz365.kz.
Елдің басым бөлігінде ауа райына солтүстік-батыс циклон ықпал етеді. Ол жаңбыр әкеледі, ал солтүстік, солтүстік-батыс, шығыс және орталық өңірлерде қатты жаңбыр жауып, найзағай ойнап, бұршақ түсіп, екпінді жел соғады.
Тек Қазақстанның оңтүстік-батысында, 17-18 тамызда — батыс өңірлерде, 18 тамызда — орталықта жауын-шашынсыз ауа райы күтіледі.
Сондай-ақ, синоптиктер республика бойынша желдің күшеюін ескертеді. Солтүстік, шығыс және орталықта түнгі және таңғы уақытта тұман түсуі мүмкін.
Температуралық фон:
батыс өңірлер: күндіз +22…+30-дан +27…+35-қа дейін жылынады;
солтүстік-батыс: +16…+30-дан +22…+33-қа дейін;
солтүстік: +18…+23;
орталық: +20…+30;
шығыс: +20…+30-дан +17…+25-қа дейін төмендейді;
оңтүстік: +25…+35;
оңтүстік-шығыс: +30…+35-тен +25…+32-ге дейін төмендейді.
