Қазақстанда алдағы күндері үсік пен жаңбыр күтіледі

Алдағы үш тәулікте Қазақстан аумағында тұрақсыз ауа райы сақталады. Бұл туралы «Қазгидромет» РМК баспасөз қызметіне сілтеме жасай отырып Qaz365.kz хабарлайды.

Синоптиктердің мәліметінше, 4-5 қыркүйекте батыста, сондай-ақ 5-6 қыркүйекте солтүстік-батыста нөсер жаңбыр, бұршақ және екпінді жел күтіледі. Ал оңтүстікте, оңтүстік-шығыста, орталықта және 5-6 қыркүйекте шығыста ашық әрі жауын-шашынсыз ауа райы болады.

Республика аумағында жел күшейеді, солтүстік өңірлерде түнгі және таңғы уақытта тұман түсуі мүмкін.

Ауа температурасы да өзгермек:

шығыс пен солтүстік-шығыста түнде +2…+10 градус, кей жерлерде топырақ бетінде -2 градусқа дейін үсік күтіледі;

күндіз батыста +18…+33-тан +15…+27 градусқа дейін төмендейді;

солтүстік облыстарда ауа температурасы +25…+30 градусқа дейін көтеріледі;

ел орталығында +25…+35 градусқа дейін жылынады;

шығыста +12…+25 градус шегінде болады;

оңтүстікте +30…+35-тен +33…+38 градусқа дейін ыстық күтіледі;

оңтүстік-шығыста +22…+30 градусқа дейін көтеріледі, таулы аймақтарда +12…+17-ден +28…+33 градусқа дейін жылы болады.