Жаңа стандарт 13 қаңтардан бастап іске қосылған
Қазақстан банктері шетелге ақша аудару ісін жеңілдететін жаңа стандартқа көшті, деп хабарлайды Qaz365.kz.
Бұл туралы ҚР Ұлттық банкінің баспасөз қызметі мәлімдеп отыр.
«Процесс барлық қаржы ұйымдарында өткен жылдың аяғында басталған еді. Бұл өзгерістің ерекшелігі төлем немесе мәміле туралы қосымша мәліметті беру мүмкіндігінде болып тұр. Сол арқылы қателік болу ықтималдығы азаяды. Төлемдерді өңдеу ісі автоматтандырылады, есеп айырысудағы жылдамдық пен қауіпсіздік жақсарады. Жаңа стандарт 13 қаңтардан бастап іске қосылды.SO 20022 – банктер мен қаржы ұйымдары арасында деректер алмасуға арналған халықаралық стандарт. Ол қаржылай транзакция жүргізгендегі ережелер мен ақпарат алмасу тәртібін анықтайды.Жаңа стандарт қаржы нарығына қатысушылардың жаңа өнімдер мен қызметті құруына негіз болады. Қазақстанның халықаралық стандартты пайдаланатын елдер қатарына кіруі трансшекаралық төлемді жеңілдетеді. Деректер алмасудың бірыңғай форматы арқасында халықаралық сауданы дамытуға септігін тигізеді», – деп түсіндіреді ҚҰБ Төлем жүйелері департаментінің жетекші экономист-маманы Аңсар Қалибаев
Қазақстан Ұлттық Банк дерегінше – Орталық Азия елдері арасында алғашқы болып халықаралық стандартты пайдалануға енгізіп отыр.
