Бұл келісім Жекешелендірудің кешенді жоспары аясында жүзеге асқан
Вьетнамдық компания сатып алған "Qazaq Air" әуе компаниясы атауын өзгертетін болды, деп хабарлайды Qaz365.kz.
Бұл туралы «Самұрық-Қазына» қорының басшысы Нұрлан Жақыпов Қазақстан мен Вьетнам арасындағы іскерлік дөңгелек үстел аясында “Qazaq Air” әуе компаниясының атауы өзгеретінін мәлімдеді.
Оның айтуынша, бұл келісім Жекешелендірудің кешенді жоспары аясында жүзеге асқан.
«Сатып алушы ретінде SOVICO Group компаниясы шықты. Келісімнің барлық кейінге қалдырылған шарттары орындалды, төлем қабылданды, ал акциялар инвестордың есепшотына аударылды. Бұдан бөлек, “SOVICO Group” пен “VietJet Air” компанияларының “Qazaq Air”-дің басқару және операциялық қызметіне жаңа “VietJet Kazakhstan” брендімен қатысу ниетін жоғары бағалаймыз. Аймақтағы бағыттар желісінің кеңеюі көлік байланысын нығайтып, жаңа экономикалық өсу нүктелерін қалыптастырады. Біз бұрынғыдан да үлкен, бұрынғыдан да жақын боламыз», – деді Нұрлан Жақыпов.
