Бұған дейін бұл соғыстың Тараз маңында өтті дегенмен, нақты қай жерде болғаны жұмбақ болып келген
Тараз маңынан Атлах шайқасының орны табылды деп хабарлайды Qaz365.kz тілшісі Qazaqstan TV-ға сілтеме жасап.
Араб пен Қытай империясы арасындағы соғыс Тараз маңында өткені тарихтан белгілі. Бірақ бұған дейін нақты қай жерде болғаны жұмбақ болған. Енді тараздық тарихшылар Бесағаш ауылының маңын Атлахтың алаңы деп, шайқастың шекарасын шегендеуге көшкен.
Жайылымнан VII ғасырға тән жебе ұшы мен салақұлаш семсер де табылған. Тарихшылардың тынымсыз еңбегін бағалаған жергілікті билік Атлах алаңын зерттеуге 25 млн теңге бөліп отыр.
