Олар әр апта сайын ұлттық билерін үйренуге жиналады
Украин халқы әр апта сайын Киев метро стансасының қасындағы жерасты өткелінде ұлттық билерін үйренуге жиналады. Олардың сабақтары барған сайын танымал болып келеді, деп хабарлайды Qaz365.kz тілшісі Настоящее Время басылымына сілтеме жасап.
Оның біріне 40 адам келген.
“Қазір билегісі келетіндердің қарасы көбейген. Мүмкін бұл адамдардың үнемі стрессте болғанымен байланысты шығар. Ал мына жерде олар екі сағатқа болсын, қалыпты өмір сүргендей болады. Басты себебі сол деп ойлаймын. Оған қоса украин мәдениетіне, билеріне деген қызығушылық бар. Меніңше, бұл да әсер етеді. Қарасаңыз, мұнда келетіндердің көбі – жастар. Бұл жер – адамдар 90 жылдардың басынан бері билеп келе жатқан көрнекі жер”, – дейді келушілердің бірі.
Тағы бір келуші соғысқа қарамастан, ұлттық мәдениетті жаңғыртудың маңызды екенін айтады.
Олардың айтуынша, бұл орын соғыстан таса болғандықтан емес, жылы болғандықтан таңдалған.
