Мақсаты – вокалдық өнер саласындағы жаңа таланттарды анықтау
2023 жылдың 3-5 мамыр күндері Петр Чайковский атындағы Алматы музыкалық колледжінде Ескендір Хасанғалиев атындағы опера әншілерінің ашық Республикалық конкурсы өтеді, деп хабарлайды Qaz365.kz.
«Хасанғалиев әлемі» мәдениетті қолдау қорының қолдауымен өтетін байқауға еліміздің барлық өңірлеріндегі музыкалық колледж студенттері, Құрманғазы атындағы ҚҰК, Қазақ ҰӨУ студенттері қатысады.
Байқаудың басты мақсаты – вокалдық өнер саласындағы жаңа таланттарды анықтау, қатысушылардың орындаушылық шеберлігін арттыру, конкурсқа қатысушы жастардың шығармашылық әлеуетін дамытуға жәрдемдесу.
Қазылар алқасының мүшелері ретінде елімізге белгілі опера өнерінің көрнекті өкілдері, белгілі музыканттар, профессорлар шақырылды.
Байқау регламенті
03.05.2023 ж., 10.00 – Ермек Серкебаев атындағы үлкен концерт залы.
2. Конкурстық тыңдаулар:
03.05.2023: 11.00 – 19.00 – I тур (13.00-14.00 – үзіліс)
04.05.2023: 10.00 – 13.00 – II тур (13.00-14.00 – үзіліс)
04.05.2023: 14.00 – 16.00 – қазылар алқасы мүшелерінің шеберлік класы
3. Байқаудың салтанатты жабылуы, лауреаттарды марапаттау рәсімі, гала-концерт:
05.05.2023: 14.00 – Ермек Серкебаев атындағы үлкен концерт залы.
Байқау үйлестірушісі: колледж директорының ОӘБ жөніндегі орынбасары Мукушева Гульмира Курабаевна +7(701) 711-36-45
Колледждің баспасөз хатшысы: Искаков Жулдыз Маратович
