Ақын, драматург Иран-Ғайып Жазушылар одағының құрылтайында мемлекеттің 2030 бағдарламасының ақын-жазушылар үшін түк пайда бермегенін айтып, ренішін білдірді, деп хабарлайды Qaz365.kz.
“Одан кейін 2030 деген бәлені шығарды. Бізге дәңеңе де керек емес, халықтан басқа. Сосын абырой керек. Алла тағала Мұхаммед пайғамбардан кейін елші жібермеген. Мен енді ақын мен жазушы жіберем деген. Неге мемлекет қарамағына алмай жатыр?!”, – дейді ақын.
Айта кетейік, бүгін құрылтайда Ұлықбек Есдәулет жаңа қызметке ауысуына байланысты сайлауға түсуден бас тартып, кандидатурасын алып тастады.
Жиынға Қазақстан Жазушылар одағының 525 делегаты, арнайы шақырылған қонақтар, БАҚ өкілдері қатысып жатыр. Қазіргі таңда Жазушылар одағының жалпы мүшесі 970-ке таяған.
