Рүстем Жүгінісов бүгінде шоу-бизнестен толықтай алшақтап, дінге бет бұрған
Өнерлі отбасы ағайынды Жүгінісовтердің тұңғышы Рүстем Жүгінісов бүгінде шоу-бизнестен толықтай алшақтап, дінге бет бұрған. Дегенмен, тыңдармандары әлі де қашан өнерге оралатынын сұрап тұрады екен, деп хабарлайды Qaz365.kz.
«Сіздер менің ән айтпай кеткеніме екі жыл болғанын білесіздер ме? Мен өнерді тастадым. Басқа жолды таңдадым. Әнші емеспін. Мираспен дуэт жазбаймын», – деді желіде әнші бұрынғы тыңдармандарына.
Айта кетейік, Рүстем Жүгінісовтың жұлдызы кезінде «X-Factor» байқауынан кейін жанған. «Сен маған керексің» әні елде хитке айналып, әншінің аты дүркіреп шықты. Бірақ кейін Жүгінісов сахнамен біржола қоштасты. Бұған оның дінге бет бұруы себеп болған. Қазірде әнші сақалын жіберіп, тек кең шалбарлар киеді, басынан тақиясын тастамайды.
Есесіне, інісі Мирас Жүгінісов қазір жастардың арасында танымал. Оның «Зымыран» секілді әндері хитке айналған.
