×

"BALA QORGAU" телеграм боты

Жоба іске қосылғалы 4 ай ішінде 600-ден астам өтініш қаралған

"BALA QORGAU" телеграм боты
Gov.kz

Оқу жылының басынан бері Оқу-ағарту министрлігі Балалардың құқықтарын қорғау комитетінің “Bala Qorgau” телеграм-ботына 100-ден астам өтініш түсті, деп хабарлайды qaz365.kz тілшісі ҚР Оқу-ағарту министрлігі баспасөз қызметіне сілтеме жасап.

Өтініштердің басым бөлігі балалардан келген. Олар балалар мен ата-аналар арасындағы қарым-қатынасқа қатысты. Өтініш бергендердің барлығына қажетті педагогикалық және психологиялық көмек көрсетілді. Жоба іске қосылғалы бері 4 ай ішінде 600-ден астам өтініш қаралды.

““Bala Qorgau” жобасына  келіп түскен өтініштерді шартты түрде үш санатқа бөлуге болады. Олар - отбасындағы ата-ана мен бала арасындағы түсініспеушілік, мектептегі құрдастар арасындағы жанжал және мұғалімдер мен балалар арасындағы жанжал. Болашақта проблемаларға әкелетін қақтығыстардың көпшілігін балалардың психологиясын түсіну арқылы болдырмауға немесе шешуге болады. Баланың эмоционалды денсаулық жағдайы үшін жауапкершілік ең алдымен ересектерге, яғни ата-аналар мен мұғалімдерге жүктеледі”, – деді Балалардың құқықтарын қорғау комитеті төрағасының орынбасары Элина Паули.

ҚР Оқу-ағарту министрлігі Балалардың құқықтарын қорғау комитеті Балалар жылы аясында балалар мен ересектерге психологиялық көмек көрсетуге арналған “Bala Qorgau” интернет-ресурсын іске қосқан болатын. Қазіргі күні мектептерде QR-коды және “Bala Qorgau” сайтының (https://bala.gov.kz) мекенжайы жазылған арнайы белгілер орнатылып жатыр.

QR-кодын сканерлеу арқылы оқушылар “Bala Qorgau” сайтына өтіп, өз сұрақтарын қалдыра алады. Оқушылар мен ата-аналар да анонимді түрде көмек сұрап, білім беру ұйымдарындағы заңсыз әрекеттер туралы хабарлай алады.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Соңғы жаңалықтар

Барлық жаңалық →