Бұл жобаға 2 мыңға жуық оқушы қатысуда
905 мектеп түлегіне орта техникалық білім туралы диплом беріледі, деп хабарлайды Qaz365.kz.
Бұл туралы ҚР Оқу-ағарту министрлігі мәлімдеп отыр.
«Елімізде жоғары сынып оқушыларына жұмысшы мамандығы біліктілігін беру бойынша пилоттық жоба іске асырылуда.Кәсіптік даярлық колледждер базасында, ал жалпы білім беру пәндерін меңгеру мектептерде өтеді. 11-сыныпты бітіргеннен кейін оқушылар аттестат қана емес, орта техникалық білім туралы диплом да алады», – дейді Техникалық және кәсіптік білім департаментінің директоры Әсет Мұханбетов.
Пилоттық жобаға 150-ге жуық колледж бен мектептің 2 мыңға жуық оқушысы қатысуда. Биыл 905 түлек кәсіби біліктілікпен қатар еңбек нарығына бірден шығу мүмкіндігін алып, колледж дипломын алады деп күтіліп отыр.
