Оны мектеп әкімшілігі анықтайды.
Оқу-ағарту министрлігі Қазақстандағы соңғы қоңырау күнінің өзгергенін мәлімдеді, деп хабарлайды qaz365.kz.
Дәстүрлі түрде 34 аптаға созылатын оқу жылы аяқталуға жақын. Ведомствоның мәліметінше, еліміз бойынша 3,9 миллионнан астам оқушы оқу жылын қорытындылайды. Оның ішінде 217 мыңнан аса 11-сынып оқушысы мектеппен қоштасады.
Былтырғыдай, 23 мамыр – оқу жылының соңғы күнінде – еліміздің барлық мектебінде «Білімім – Отанымa» ұранымен бірыңғай сынып сағаты өтеді. Бұл білім беру жүйесі үшін маңызды шара – оқушылар мен ұстаздарға бірлескен еңбектерін қорытындылауға, бір-біріне алғыс айтуға, өткен оқу жылындағы ең елеулі сәттерді еске алуға мүмкіндік береді.
Биыл оқу жылының ресми аяқталу күні жексенбіге сәйкес келетіндіктен, 11-сынып түлектеріне арналған салтанатты шаралар 23 немесе 24 мамырда – мектеп әкімшілігінің шешімі бойынша өтеді, – деп хабарлады министрлік өкілдері.
