Студенттер оқиғасының барлығы биіктен құлау арқылы болған
Қазақстан Республикасы Ғылым және жоғары білім министрлігінің жоғары және ЖОО-дан кейінгі білім комитеті төрағасының міндетін атқарушы Ақерке Абылайхан журналистерді студенттердің өз-өзіне қол жұмсауы туралы материалдарды жариялағанда аса сақ болуға шақырды, деп хабарлайды Qaz365.kz.
Ақерке Абылайханның айтуынша, соңғы уақыттарда өз-өзіне қол салу фактілері бір сценариймен қайталанып жатыр.
«Байқайсыздар ма, студенттердің өз-өзіне қол салу жағдайлары бір-біріне ұқсап барады. БАҚ-тан қараңыздаршы, Вертер әсері деген бар. Меніңше, біз кейде солай істеуге болады дегенді өзіміз көрсететін секілдіміз. Егер осы фактілер жайлы жазар болсақ, егжей-тегжейін жазбай-ақ қоялықшы. Мұндай қайғыға душар болған отбасылардың өзі «жеке мәліметтерімізді жарияламаңыздаршы» деп өтінеді. Соңғы үш оқиғаның барлығы биіктен құлау арқылы болған. Ал құқық қорғау органдары әр істі тергеумен айналысып жатыр», – деді ол.
Министрлік өкілі журналистерге үндеу тастап, студенттердің суицид жағдайларын жазғанда жеке мәліметтерді жарияламауға және әдісті сипаттап көрсетпеуге шақырды.
БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
