Министрлік елімізде алғашқы тоқсан аяқталатынын алға тартты.
Оқу-ағарту министрлігінің хабарлауынша, еліміздегі мектептерде бірінші тоқсан аяқталып, күзгі каникул 27 қазан мен 2 қараша аралығында өтеді, деп хабарлайды Qaz365.kz.
Оқушылардың демалысын тиімді және қауіпсіз өткізу үшін «Адал азамат» бағдарламасы аясында түрлі іс-шаралар ұйымдастырылады. Олардың қатарында:
«Кітап оқимыз» атты акция,
«Буллингтен қорған» атты қауіпсіздік сабағы,
мектеп театрларының қойылымдары бар.
Министрлік балалардың қауіпсіздігіне ерекше назар аударуға шақырды – жолда, үйде және интернетте қауіпсіздік ережелерін сақтау маңызды екені ескертілді.
