Алматы қаласындағы №202 мектеп-гимназиясында 10-сынып оқушылары арасында «STEAM: ойла, жаса, өзгерт» атты командалық жобалық сайыс өтті. Ғылыми-жаратылыстану пәндері бірлестігі ұйымдастырған шара жас дарындардың шығармашылық әлеуетін ашуға бағытталды, деп хабарлайды Qaz365.kz.
Ғылым мен тәжірибенің ұштасуы
Сайыстың басты мақсаты — оқушылардың ғылыми ойлау қабілетін арттырып, теориялық білімді практикада қолдану дағдыларын дамыту. Қатысушылар ғылым, технология, инженерия, өнер және математика (STEAM) бағыттарын тоғыстыра отырып, заманауи талаптарға сай тың идеяларын ұсынды.
Жеңімпаздар мен жүлдегерлер
Жарыс қорытындысы бойынша қазылар алқасы үздік командаларды анықтады:
І орын – 10 «Б» сыныбы;
ІІ орын – 10 «В» сыныбы;
ІІІ орын – 10 «А» және 10 «Ә» сыныптары.
Болашаққа бағдар
Іс-шараны физика пәнінің мұғалімдері Бақытқазы Таңнұр мен Иманова Салтанатұйымдастырды.
Ұйымдастырушылар мұндай сайыстар оқушылардың пәндерге деген қызығушылығын оятып қана қоймай, олардың болашақ мамандық таңдауына да үлкен септігін тигізетінін айтады. Бұл бастама — жаңашыл ұрпақ тәрбиелеу жолындағы маңызды қадамдардың бірі болып табылады.
