57-ші Халықаралық Менделеев олимпиадасына 21 елден 116 оқушы қатысты
Астанада химия пәнінен оқушылардың 57-ші Халықаралық Менделеев олимпиадасы аяқталды. Қазақстан құрама командасы екі күміс және 10 қола медаль жеңіп алды, деп хабарлайды Qaz365.kz тілшісі Оқу-ағарту министрлігінің баспасөз қызметіне сілтеме жасап.
Әлихан Смет – Астана қаласының дарынды ер балаларға арналған «Білім-Инновация» лицейінің 11 сынып оқушысы, күміс медаль;
Инсар Имаш – Haileybury Almaty мектебінің 11 сынып оқушысы, күміс медаль;
Бекболат Мамырбеков – Шығыс-Қазақстан облыстық дарынды балаларға арналған «Білім-Инновация» лицейінің 11 сынып оқушысы, қола медаль;
Шәкір Жақсылық – Маңғыстау облыстық «Білім-Инновация» лицей-интернатының 10 сынып оқушысы, қола медаль;
Диас Қоршыбек – мамандандырылған «Білім-Инновация» лицейінің 10 сынып оқушысы, қола медаль;
Кирилл Ким – Астана қаласындағы физика-математикалық бағыттағы Назарбаев Зияткерлік мектебінің 10 сынып оқушысы, қола медаль;
Әліби Мұғалім – Маңғыстау облыстық «Білім-Инновация» лицей-интернатының 11 сынып оқушысы, қола медаль;
Айбол Оразалин – Алматы қаласының мамандандырылған «Білім-Инновация» лицейінің 11 сынып оқушысы, қола медаль;
Әділжан Молдағұл – Маңғыстау облыстық «Білім-Инновация» лицей-интернатының 10 сынып оқушысы, қола медаль;
Абылай Кабдулхадыр – Астана қаласындағы физика-математикалық бағыттағы Назарбаев Зияткерлік мектебінің 10 сынып оқушысы, қола медаль;
Ринат Илюсизов – Павлодар қаласының дарынды балаларға арналған № 8 мектеп-лицейінің 10 сынып оқушысы, қола медаль;
Асанәлі Қали – Қостанай облыстық «Білім-Инновация» лицей-интернатының 11 сынып оқушысы, қола медаль.
Сондай-ақ «Теориялық турдағы үздік шешім» номинациясы бойынша ҚР Оқу-ағарту министрінің арнайы сыйлығымен астаналық Әлихан Смет марапатталды.
Олимпиада жеңімпаздарына еліміздің бес жетекші жоғары оқу орындарынан 17 грант бөлінді.
Естеріңізге сала кетейік, химия пәнінен оқушылардың 57-ші Халықаралық Менделеев олимпиадасына 21 елден 116 оқушы қатысты.
