Жоба "Ашық НҚА" порталында 23 шілдеге дейін талқыланады.
Қазақстанда сұйытылған газдың бағасы 1 тамыздан бастап көтерілуі мүмкін, деп хабарлайды Qaz365.kz.
Көтерме бағасы тоннасына 8 мың теңгеге артады. Яғни алдағы уақытта 59 722 теңгеге дейін қымбаттауы мүмкін. Бөлшек сауда бағасы 7-10 теңгеге артады деп болжануда.
Қазақстан Энергетика министрлігінің айтуынша, елде сұйытылған газ өндірісі тиімсіз болып қалады, оның өзіндік құны – тоннасына 70-80 мың теңге, ал өндіруші зауыттар үшін көтерме баға тоннасына 51 932 теңге деңгейінде белгіленген. Бұл ретте газды тұтыну өсуде, 2025 жылы газ тапшылығы 30-40%-ті құрауы мүмкін.
Жоба "Ашық НҚА" порталында 23 шілдеге дейін талқыланады.
Осыған байланысты зауыттарда жаңғырту мен жоспарлы жыл сайынғы жөндеу жұмыстарына қажетті қаражат жетіспеуде. Өндірістің шығынды болуына орай сұйытылған газ өндіруге қызығушылық төмендеп, зауыттар табысы жоғары өнімдерге көшіп жатыр. Бұл ішкі сұранысты толық қамтамасыз етуге қауіп төндіреді.
