АҚШ долларының орташа бағамы 3,5 теңгеге төмендеді.
2025 жылғы 28 шілдеде сағат 15:30-да Қазақстан қор биржасында (KASE) шетел валюталарымен күндізгі сауда-саттық аяқталды, деп хабарлайды Qaz365.kz.
Сауда нәтижесі бойынша АҚШ долларының орташа бағамы 3,5 теңгеге төмендеп, 541,35 теңгені құрады.
Ресей рублі де аздап арзандап, 6,81 теңгеге түсті (-0,04).
Таңертеңгі сессияда қытай юанінің орташа бағамы 75,53 теңге болды, бұл - алдыңғы көрсеткіштен 0,52 теңгеге төмен.
Валюта айырбастау орындарында:
долларды 542,5-545,5 теңгеден сатып алып/сатуда;
еуро - 633-638 теңге;
рубль - 6,75-6,87 теңге аралығында.
Осы уақытта әлемдік нарықтарда мұнай бағасы өсіп жатыр.
ICE Futures электронды сауда алаңында Brent маркалы мұнайдың қазан айындағы фьючерстері 0,58% өсіп, барреліне 68,05 доллар болды.
NYMEX биржасында қыркүйек айына арналған WTI маркалы мұнай фьючерстерінің бағасы да 0,58%-ға көтеріліп, 65,54 долларды құрады.
