АҚШ долларының орташа бағамы 538,89 теңге болды.
Қазақстан қор биржасында (KASE) 2025 жылғы 11 қыркүйекте сағат 15:30-да күндізгі сауда-саттық аяқталды, деп хабарлайды Qaz365.kz.
Сауда қорытындысы бойынша АҚШ долларының орташа бағамы 538,89 теңге болып, 0,65 теңгеге қымбаттады. Ресей рублі арзандап, 6,31 теңге деңгейінде бекіді (-0,09). Қытай юанінің таңертеңгі саудадағы орташа бағамы 75,65 теңгені құрады (+0,14).
Айырбастау пунктерінде доллар 538,9-541,3 теңге, еуро 630-634 теңге, рубль 6,21-6,35 теңге аралығында сатып алынып-сатылуда.
Әлемдік мұнай нарығында да баға төмендеуде. ICE Futures электронды алаңында қараша айындағы Brent фьючерстері 0,36% арзандап, барреліне 67,25 долларды құрады. Ал NYMEX саудасында қазан айындағы WTI мұнайы 0,44% төмендеп, барреліне 63,39 доллардан саудаланды.
