Ұлттық статистика бюросы осындай дерек келтірді
Қазақстандағы медианалық жалақы 2025 жылы 317 512 теңге болды. Бұл — ел тұрғындарының жартысына жуығы осы мөлшерден аз жалақы алатынын білдіреді, деп хабарлайды Qaz365.kz Ұлттық статистика бюросының дерегіне сүйеніп.
Ал орташа айлық жалақы 405 416 теңгені құрады, ең жиі төленетін (модальдік) жалақы 116 059 теңге шамасында. Сағаттық жалақы орта есеппен 2 334 теңге болып белгіленген.
Бюро дерегінше, ел тұрғындарының 46 пайызы 100 мың мен 300 мың теңге аралығында жалақы алады. Ал 300–500 мың теңге аралығында табыс табатындардың саны шамамен 1 миллион адамды құрайды. 1,5 миллион теңгеден жоғары еңбекақы алатын азаматтар небәрі 62,7 мың адам екені көрсетілген.
Жалақы өсімі бойынша биыл қаржы және сақтандыру саласы алдыңғы қатарда — бұл бағытта жалақы 31,3 пайызға артқан. Сондай-ақ көлік және жинақтау саласында 24,1 пайыз, ауыл шаруашылығында 22,9 пайыз өсім байқалды. Ал білім беру мен қоғамдық тамақтану салаларында өсім ең төмен — тиісінше 5,9 және 2,7 пайыз деңгейінде тіркелген.
Өңірлер бойынша ең жоғары өсім елордада байқалды. Астанада жалақы 18 пайызға артқан. Ал ең төмен өсім Маңғыстау облысында, бар болғаны 6,8 пайыз болды.
