Оған қатысты қылмыстық іс биыл маусымда қозғалған болатын
Жаңаөзендік 11 баланың анасы Тик-Токтағы видеосы үшін сотталды, деп хабарлайды Qaz365.kz.
Жаңаөзендік Жадыра Досекеева қылмыстық кодекстің «телекоммуникация желілерін пайдалана отырып, әлеуметтік алауыздықты қоздыру» бабы бойынша кінәлі деп танылып, үш жып шартты жазаға кесілді. Сондай-ақ, ол қоғамдық жұмыстарға тартылатын болады. Және тұрғынға үш жылбойы әлеуметтік желілерді пайдалануға тыйым салынды.
“Сот жаңаөзендік тұрғынның биыл сәуірде «Tik-Tok» әлеуметтік желісінде жариялаған бейнежазбасын» әлеуметтік және ұлттық алауыздықты қоздыруға бағытталған деп танып, кінәлі деп тапты. Айыпталушының кәмелетке толмаған балалары барын ескеріп үш жыл шартты жаза кесті. Сондай-ақ, азаматша Жадыра Досекеева жазаны өтеу кезінде жыл сайын 100 сағатқа мәжбүрлі еңбекке тартылады», – делінген сот шешімінде.
11 баланың анасына қатысты қылмыстық іс биыл маусымда қозғалған болатын. Сот барысында прокурор оның бас бостандығын 4 жылға шектеу жазасын тағайындауды сұраған.
«Соттолушы Жадыра Досекеева өзінің кінәсін мойындамай соттан ақтау үкімін шығаруды сұрады. Жадыра Досекееваның кінәсі куәлердің жауаптарымен, психологиялық-филологиялық сараптама қорытындысымен, істің басқа да қужаттарымен дәлелденді. Сот, Жадыра Досекеева-ға жаза тағайындау барысында асырауында кішкентай балаларының болуын қылмыстық жауалкершілігін жеңілдететін мән-жайлар деп таныды. Ауырлататын мән-жайлар анықталмады", – делінген хабарламада.
