Күдікті қазан айында Анталия қаласында ұсталды
Түркияға қашып кеткен қазақстандық экстрадицияланды, деп хабарлайды Qaz365.kz.
ҚР Бас прокуратурасы мен ҚР ІІМ Интерполының қызметкерлері Түркиядан қылмыстық жауапкершілікке тарту үшін қазақстандықты экстрадициялады. Күдікті қазан айында Анталия қаласында ұсталды.
“Ол аса ірi мөлшерде психотроптық заттарды сату мақсатында заңсыз сақтаған деп айыпталды. 2022 жылы Астанада полиция жедел іздестіру шарасы кезінде одан 17 қапшықтағы меткатинон тәркіледі. Кейін күдікті қашып кеткен соң халықаралық іздеу жарияланды”, – делінген ҚР Бас прокуратурасы хабарламасында.
Оған 10 жылдан 15 жылға дейінгі мерзімге бас бостандығынан айыру жазасы қарастырылған.
