Қылмыстық іс тараптардың танысу сатысында
Жамбыл облысында полиция қыз баланы топтасып зорлады деген күдікпен кәмелетке толмаған үш адамды анықтады Бұл туралы Жамбыл облысы полиция департаментінің баспасөз қызметі мәлімдеді, деп хабарлайды Qaz365.kz.
«Аталмыш фактіге сәйкес, ҚР Қылмыстық кодексінің 120-бабының 4-бөлігі «Кәмелетке толмағанға қатысты бір топ адам жасаған зорлау» бойынша сотқа дейінгі тергеу амалдары жүргізілуде. Тергеу барысында үш жасөспірім күдікті анықталып, ұсталды. Олардың екеуіне қатысты сот үйқамақ түріндегі бұлтартпау шарасын, ал үшіншісіне жеке кепілдікті таңдады», – делінген полиция хабарламасында.
Полиция қылмыстық істі тергеуді аяқтады, ол тараптардың танысу сатысында. Осыдан кейін қылмыстық іс прокуратураға, ары қарай сотқа жіберіледі.
