Әкімдік отбасыға көмек көрсету үшін ұсыныстар жіберген
Талғардағы Шерзаттың отбасына қандай көмек көрсетілетіні белгілі болды, деп хабарлайды Qaz365.kz.
Бұл туралы ОКҚ-да өткен баспасөз мәслихатында Алматы облысының әкімі Марат Сұлтанғазиев мәлімдеді.
"Әкімдіктің жұмысы — адамдарды, оның ішінде демеушілерді, меценаттарды және ҮЕҰ-ды ұйымдастыру. Біздің тарапымыздан үй салуға көмектескісі келетін ізгі ниетті адамдарды тауып, ұйымдастырдық. Бірақ құрылысты бастау үшін отбасның өздері мақұлдауы керек. Біз сондай-ақ қыс мезгілінде құрылысқа байланысты жоспарлау құжаттарын келісуді ұсындық. Алайда отбасы сол ауылдағы ата-анасының үйінде тұруды жөн көрді", — деді аймақ басшысы.
Ол қайтыс болған жасөспірімнің отбасына алғашқы күндерінен бастап материалдық көмек көрсетіліп, ұсыныстар жібергенін айтып түсіндірді.
