Тергеу басталды
Оқиға Ғ.Мүсірепов атындағы ауданда болған. Екі ауылды жалғайтын көпір жүк көлігін көтере алмай сынып кеткен. Салдарынан бидай тиеген ауыр техника өзенге түсіп кетті, деп хабарлайды Qaz365.kz.
Ғ.Мүсірепов аудандық полиция бөлімінің қызметкерлері оқиғаның барлық мән-жайларын анықтау және процестік шешім қабылдау үшін тергеуді бастады.
«Нежинка – Бірлік ауылдары арасындағы Есіл өзені арқылы өтетін көпірде бидай тиелген «Shacman» автокөлігінің 56 жастағы жүргізушісі рульге ие бола алмай қалған. Салдарынан көлік аударылып, Есіл өзеніне құлады», – делінген полиция хабарламасында.
