Емханадағы кабинеттердің бірінде әйелдердің арасында жанжал туындаған
Әлеуметтік желіде Алматыдағы емханалардың бірінде тазалықшы қызметкерді кабинетке кіргізіп алып ұрып жатқан видео тарады, деп хабарлайды Qaz365.kz.
Видео авторы бұл жағдай Алматыдағы Шаляпин көшесінде орналасқан «ЭМИРМЕД» жекеменшік емханасында болғанын көрсеткен.
Емханадағы кабинеттердің бірінде әйелдер арасында жанжал туындаған. Дәрігердің біреуі – пациенттің маскасын шешуге тырысқанын байқауға болады. Ортада бір әйел науқасты сабырға шақырады. Сосын кабинетті жауып алған. Бірақ арғы жағынан әйелдің шыңғырған дауысы шығады. Бірақ видеоға түсіріп тұрған ер адам ашыңдар деп айтады. Алайда ешкім ашпаған.
«Кабинетке кіргізіп қырып жатыр. Ұрмаса, ашып көрсетсін», - дейді видео авторы.
Әзірге бұл видеоға қатысты Алматы қаласының денсаулық басқармасы ешқандай пікір білдірген жоқ.
