Сотталушы жәбірленушінің кәмелетке толмаған жасын біле тұра материалдық пайда алуды көздеген
Қызылордада секс-құлдыққа түскен 16 жасар оқушының дел бойынша төртінші үкім шығарылды, деп хабарлайды Qaz365.kz.
Бұл туралы Қызылорда облысы кәмелетке толмағандардың істері жөніндегі мамандандырылған ауданаралық соты шешім шығарған.
“Қызды жезөкшелікке тартқан тағы бір сауна әкімшісінің ісі сотта қаралды. Сотталушы ҚР ҚК 309-бабының 2, 3-тармақтары, 2-бөлігі бойынша "жезөкшелікпен айналысу үшін притондар ұйымдастыру және бірнеше рет жеңгетайлық жасау"бойынша кінәлі деп танылды. Сот оған төрт жылға бас бостандығынан айыруды тағайындады. Жәбірленушінің кәмелетке толмаған жасын білетін әйел материалдық пайда алу үшін оны жезөкшелікпен айналысуға бірнеше рет тартқаны анықталды”, – делінген сот хабарламасында.
