Үш қазақстандық қамауға алынған
Маңғыстау облысында халықаралық есірткі арнасы жойылды, деп хабарлайды Qaz365.kz.
Бұл туралы Маңғыстау облысы прокуратурасысы мәлімдеді.
“2024 жылдың 20 желтоқсанында ҰҚК және Шекара қызметі департаменттері Маңғыстау облысы прокуратурасының үйлестіруімен есірткіні жеткізудің халықаралық арнасының жолын кесті.Үш қазақстандық қамауға алынды. Заңсыз айналымнан 600-ден астам метадон таблеткасы мен 300 грамм апиын тәркіленді. Бұған дейін, оңтүстік өңірлерден 300 кг-дан астам каннабис тобының есірткілері тәркіленген ішкі есірткі жеткізу арнасы жойылды”, – делінген прокуратура хабарламасында.
Жоғарыда аталған фактілерге қатысты Қылмыстық кодекстің 297-бабының 3-бөлігінде көзделген қылмыс белгілері бойынша сотқа дейінгі тергеп-тексеру жүргізілуде.
