Бразилия сарапшылары өткен аптада Қазақстанда апатқа ұшыраған AZAL ұшағының қара жәшігіндегі мәліметтерді тексеруге кірісті, деп хабарлайды Qaz365.kz.
Онда Әзербайжан, Қазақстан және Ресей өкілдері де бар.
Бразилиялық Agência Brasil агенттігінің мәліметінше, «қара жәшіктер» сәрсенбіде (Астана уақыты бойынша бейсенбіде) Бразилияға жеткізілген. Келесі күні өздігінен жазу құрылғыларын ашу жұмыстары басталды. Бұл жұмыстарға Бразилия Әскери-әуе күштерінің (FAB) мамандары қатысып жатқаны айтылды.
Қазір негізгі жұмыс – ұшқыштардың дауыстарының жазбалары мен ұшақтың апатқа ұшыраған сәтке дейінгі бүкілақпаратты қамтитын қара жәшіктерден деректерді алу және талдау.
Бразилиядағы тергеушілер кабинадағы сөйлесулердің аудио тректерімен және ұшақтың ұшу деректерін тіркеуіштермен жұмыс істеп жатыр. CENIPA мамандары жағдайды модельдеу, ұшақтың жылдамдығын, оның траекториясын дәл бағалау және өз қорытындыларын жасау үшін компьютерлік технологияны пайдаланады, – деді Бразилияның әуе күштері.
Айта кетсек, ұшақ 25 желтоқсанда Ақтау маңында апатқа ұшыраған еді.
