Ол 4 қабаттағы мұнаралы кранға өзін байлаған
Таразда өз-өзіне қол салмақ болған ер адам құтқарылды, деп хабарлайды Qaz365.kz.
Бұл туралы Облыстық Төтенше жағдайлар қызметі мәлімдеді.
“Бүгін Жамбыл облысының «112» қызметіне Тараз қаласында Сәтбаев көшесі мен Жамбыл даңғылының қиылысындағы, 4 қабаттағы мұнаралы кранға өзін байлаған ер адамның өз-өзіне қол жұмсау әрекеті туралы хабарлама келіп түсті.Оқиға орнына шұғыл түрде ТЖМ күштері жіберілді. Келген жедел-құтқару жасағының құтқарушылары мен психологтар ер адаммен әңгімелесіп, оның назарын аударды.Содан кейін құтқарушылар альпинистік құрал-жабдықтарды қолдана отырып ер адамды түсіріп, полиция қызметкерлеріне тапсырды”, – делінген ТЖМ хабарламасында.
Қазіргі уақытта “өз-өзіне қол жұмсауға дейін итермелеу” бабы бойынша тергеу амалдары басталған.
