Клуб аумағында әкімшілік ғимарат, тенттен жасалған қаңқалық құрылым, теннис кортының жабыны және үрлемелі күмбез өртеніп кеткен
Алматы облысында 1000 шаршы метр теннис клубының аймағы өртеніп кетті, деп хабарлайды Qaz365.kz.
Бұл туралы ҚР ТЖМ баспасөз қызметі мәлімдеді.
“Талғар ауданы Бесағаш ауылындағы жеке теннис клубының аумағында әкімшілік ғимарат, тенттен жасалған қаңқалық құрылым, теннис кортының жабыны және үрлемелі күмбез өртенді. Жақын маңдағы үйге және жақын маңдағы теннис кортына өрттің таралу қаупі жоғары болды. Жылдам қабылданған оң шаралар нәтижесінде өрт сөндірушілер жақын маңдағы теннис корты мен жеке тұрғын үйді өрттен қорғап қалды", – делінген ТЖМ хабарламасында.
Өрт сөндірушілер 1000 шаршы метр аумақта өртті жойып, залалсыздандырған. Зардап шеккендер жоқ.
